|
Il Parc Naziunal Svizzer (PNS) è in reservat natiral da 172 kilometers quadrat en l'Engiadina Bassa ed en la Val Müstair ch'è situà sin in'autezza tranter 1400 e stgars 3200 meters sur mar sin il territori da las vischnancas da Zernez, S-chanf, Scuol, Valchava e Lavin. Il 1914 è il parc vegnì fundà uffizialmain. La natira en il PNS vegn protegida cumplettamain da tut las influenzas ed intervenziuns umanas. Il parc naziunal è l'object da perscrutaziuns scientificas las pli differentas. Ultra da quai ha el ina gronda impurtanza sco territori da viandar impressiunant e recreativ.
(Foto: Hansueli Krapf / CC BY-SA 3.0) |
