|
Tar l’«Escalade» dals 12 da december 1602 han ins propi duvrà trais stgalas da tetg fitg lungas per raiver sin ils rempars da Genevra. Il triep d’attatga da tschient schuldads savoiards è arrivà uschia enturn las duas da la notg fin sin la miraglia exteriura, entant ch’il rest da l’armada spetgava sper ina porta da la citad numnada «nova». Entant han ils defensurs scuvert ils invasurs e bumbardà lur stgalas cun ils chanuns d’ina bastiun exteriura. Tschels Savoiards, udind ils chanuns, han manegià ch’il triep d’attatga haja schluppentà la Porta nova; els èn alura sa mess en moviment encunter il rempar ed èn vegnids retschets da la chanunada genevrina. L’armada da duca Carl Emmanuel ha pia stuì sa retrair. [Tenor LQ]. |
