|
Per che nus possian percepir tuns ston oss pitschens e fitg fins, cellas sensitivas e cellas da la gnerva cooperar senza incaps. Las undas acusticas vegnan recepidas da la conchiglia e transmessas a l'ureglia da mez. Là fruntan ellas sin la pel dal schumber che dat vinavant las vibraziuns al martè, a la mazza ed a la staffa. Ussa va l'impuls en la coclea emplenida cun liquid. Quel vegn smatgà ensemen e cuntinuescha sco unda fin al piz da la coclea. Là stimulescha el millis e millis chavels pitschens che sa movan ca. 20000 giadas la secunda. Las cellas sensitivas transfurmeschan las undas en impuls electrics e las transmettan al gnerv da l'ureglia e finalmain al tscharvè.
(Foto: A. R. / pixelio) |
