|
Gia a l'entschatta dal 13avel tschientaner era il terren da Lon (Lohn) urbarisà e cultivà (allevament da muvel e cultivaziun da graun). Dapi il 1204 è attestà sin la Muntogna da Schons ina cuminanza da purs libers cun in'atgna dretgira bassa. Signurs territorials èn stads, en successiun, l'uvestg da Cuira, ils baruns de Vaz e de Werdenberg ed, a partir dal 1456, danovamain la diocesa. Il 1458 ha l'entira val cumprà ora ils dretgs signurils. Igl existan fastizs d'ina chapella dal 12avel tschientaner. Il 1904-06 è vegnida construida la via charrabla. [Tenor e-lir].
(Foto: Adrian Michael / CC BY-SA 3.0) |
