|
Soazza è ina vischnanca politica en il Mesauc, situada sin la spunda dretga da la Moesa. La senda da sauma da la Forcola che collia Soazza cun Menarola (Clavenna) è vegnida utilisada fin a l'entschatta dal 19avel tschientaner dals berniers per il transport da sal, saida e stoffa. L'agricultura e l'allevament da muvel, per tschientaners las funtaunas d'entrada principalas, vegnan pratitgads anc oz a Soazza. La stgarsezza da resursas ha provocà en ils tschientaners passads ina ferma emigraziun. [Tenor e-lir].
(Foto: Adrian Michael / CC BY-SA 3.0) |
