|
La paraula dal Pitschen Prinzi è in'istorgia plain poesia e sabientscha, publitgada il 1943, ma ch'è anc oz actuala. Ina capodovra da la litteratura mundiala. L'istorgia è per uffants e per creschids – tuts pon tadlar e chattar quai ch'è il mument impurtant per els. Davos mintga maletg, mintga chapitel e mintga episoda èn anc ulteriurs maletgs. Uschia na po l'uffant anc betg savair che la rosa stat per l'amur. Ma il sentiment da la cumpassiun e da la solidaritad umana resta. Ed insatge impurtant mussa l'istorgia: pasch datti be, sche mintgin chatta sia pasch – pasch cun sasez e cun ils conumans. |
