|
Mintga emprima dumengia da matg sa radunan – sche l'aura permetta – las votantas ed ils votants da Glaruna en il rintg da la chapitala. La plazza en il center dal lieu, ch'è circumdada d'ina saiv e ch'è uschiglio in parcadi, è ussa la tribuna politica dal chantun alpin. Almain dapi l'onn 1387 è il cumin il coc da la vita publica dal chantun. Al cumin da Glaruna vegn decidì davart leschas ed i vegnan elegids derschaders. [Tenor Tradiziuns vivas].
(Foto: Adrian Sulc / CC BY-SA 3.0) |
