|
Cumplex fortifitgà, situà al sidost dal Vitg Dado da la vischnanca da Sagogn sin ina collina da glera sur il Rain Anteriur. En il center da la ruina dal chastè sa chatta ina tur, lung il mir da tschinta meridiunal s'alingeschan edifizis d'abitar represchentativs. Funtaunas archeologicas cumprovan ina colonisaziun durant il temp preistoric, roman e medieval tempriv. A basa dals chats scuverts en occasiun da las exchavaziuns pon ins concluder ch'il chastè da Schiedberg è identic cun il castrum da Sagogn, menziunà en il Testament da Tello (765); ils Zaccons/Victorids possedevan en quel ina chasa da crap da tempra signurila. [Tenor e-lir].
(Foto: Adrian Michael / CC BY-SA 3.0) |
