|
Regiun colonisada oriundamain da Rumantschs a partir da las vals limitrofas, oravant tut dal Schons. Enturn il 1300 han la claustra da Cazas ed ils signurs de Vaz, enturn il 1350 ils signurs de Razén domicilià Gualsers dal Valragn a Thalkirch. La pitschna populaziun rumantscha è vegnida alemannisada en pauc temp. Survivì han numerus toponims. Ina da las incumbensas principalas dals colonists gualsers è probablamain stada da segirar la veglia via da sauma che manava da Glion resp. Castrisch sur Pitasch a Thalkirch e da là vinavant sur il Piz Calandari al Pass dal Spleia. [Tenor e-lir].
(Foto: Dbachmann / CC BY-SA 3.0) |
