|
I cuntinuescha – suenter il grond success da La Grischa 1 e 2 cumpara uss La Grischa 3 cun 55 chanzuns d'uffants rumantschas tradiziunalas e pli novas ord l'entira Rumantschia: Aug Gliezi sunava. Ferm tabac. Tgu tgu, cavalier. Staila, stailina. Tras la geina e.a.v. Tuttas chanzuns èn translatadas e vegnan explicadas da Laura Decurtins. Cun dus discs da Corin Curschellas ed ils Fränzlis da Tschlin. |
