SCUVRAMUND – dossiers tematicsMAGLIACUDESCHS – blog da lectura

Johann Ulrich Ochsenbein è naschì l'onn 1811 a Fahrni sper Thun. Suenter ina carriera militarica vegn el elegì la stad dal 1847 sco president da la regenza bernaisa. Ma Berna è la sedia principala da la Svizra ed uschia vegn Ochsenbein a la testa da l’entir pajais: El daventa president da la Confederaziun svizra. Igl è il temp ch’ils chantuns catolics fundan l’uschenumnada Lia separatista e volvan il dies a l’ulteriura Svizra. Ochsenbein maina la Svizra tras la guerra civila e cuntanscha l'onn 1848 il punct culminant da sia carriera: El vegn elegì sco president da la cumissiun per la revisiun da la Constituziun federala. La Svizra daventa il stadi federal dad oz. L’october 1848 daventa Johann Ulrich Ochsenbein in dals emprims cussegliers federals. [Tenor LQ].