|
L’isolaziun da l’ungarais, circumdà en l’Europa Centrala da linguas indogermanas, resulta da schlattas derivantas da la Sibiria dal Vest ch'han bandunà lur pajais d'origin tranter il 6avel ed il 9avel tschientaner. Suenter il 896 èn ils conquistaders ungarais sa fixads en il batschigl da las Carpatas. L’armada imperiala tudestga als ha victorisà l'onn 955 sper Augsburg. Suenter l'intermezzo osmanic è la dinastia da Habsburg vegnida possessura da l'Ungaria vers la fin dal 17avel tschientaner. Ils cunfins da l'Ungaria dad oz han ils victurs da l'Emprima Guerra mundiala definì en il patg da Trianon (1920); milliuns Ungarais èn vegnids attribuids a stadis vischins. [Tenor LQ]. |
