|
L'Agid svizzer per la muntogna (ASM) è vegnì creà durant la Segunda Guerra mundiala. Cun il retgav da las emprimas collectas han ins cumprà vestgadira, pajà gentars a scolaras e scolars e finanzià tranter auter curs da scolaziun. Suenter la guerra ha l'ASM cuntinuà sia lavur da sustegn en favur da l'agricultura da muntogna per franar la depopulaziun. En il center steva e stat il sustegn a fam. da purs (sanaziuns e constr. da chasas e clavads, da vias d'access, meglieraziuns, acquists da maschinas e.a.). Cun il temp ha l'ASM augmentà sias contribuziuns a projects communals e regiunals specifics (provediment d'aua e.a.). [Tenor e-lir]. |
