Suenter la victoria da las truppas dal Partenz sur in'armada austriaca (1622), han ils Grischuns occupà il Montafun. Ils Austriacs, cumandads dal cont Alois Baldirun, han alura lantschà ina segunda invasiun en il Grischun. La fin d'avust 1622 ha Rudolf von Salis-Soglio, il general da las Trais Lias, fatg frunt a quell'armada en la Battaglia da Raschnals/Aquasana al sidost da Saas; el ha dentant stuì capitular e sa retrair a Malans, e las Trais Lias han stuì acceptar il dir Contract da Lindau dals 1622. Ad Aquasana sa chatta in monument en regurdientscha da la battaglia. [Tenor e-lir].
(Foto: picswiss.ch) |