|
L'artist Giovanni Segantini (1858-1899), oriund dad Arco (Trentino/I), ha vivì e lavurà blers onns a Savognin ed a Malögia. En las muntognas cun lur glisch clera ha l'artist chattà ina nova lingua figurativa: el ha conferì a las cuntradas alpinas, observadas dad el cun acribia, ina glischur extraordinaria ed in cuntegn simbolic. Perquai valeva el – sper Ferdinand Hodler – sco renovatur da la pictura da las Alps. Segantini ha influenzà divers artists, tranter auter Giovanni Giacometti, dal qual el è stà mentur ed ami. Il Museum Segantini a San Murezzan è vegnì avert il 1908. [Tenor e-lir]. |
