SCUVRAMUND – dossiers tematicsMAGLIACUDESCHS – blog da lectura

Suogl (Soglio) è in abitadi che sa chatta a 1095 m sin ina terrassa da la vart dretga da la Val Bergiaglia al pe dal Pass da la Duana (che maina en la Val d'Avras) e dal Pass da la Prasignola (che maina en la Val Madris). Il vitg ha d'engraziar si'impurtanza istorica e culturala a la famiglia Salis ch'è sa domiciliada là en il 13avel tschientaner sco famiglia da ministerials episcopals (plirs palazs a Suogl). Dal 14avel fin viaden il 18avel tschientaner ha Suogl vivì surtut dal transport da martganzia, dapi il 1850 gioga il turissem ina rolla impurtanta. Dapi il 2010 fa Soglio part da la vischnanca da vallada. [Tenor e-lir].

(Foto: Adrian Michael / CC BY-SA 3.0)