|
Il vitg da Rueun è situà en il fund da la Val dal Rain Anteriur. En il temp autmedieval ha appartegnì Rueun al domini da Munt S. Gieri, dal 1473 fin il 1734 al cumin da Vuorz, alura è ella daventada il center dal cumin cun il medem num. A partir dal temp medieval tardiv han ins explotà metal en la Val Schmuer, sin l'Alp Renasca ed a Sul Rhein. Sper in pitschen dumber da bains purils posseda Rueun numerusas interpresas artisanalas; era il sectur terziar è bain sviluppà. Dapi il 2014 fa Rueun part da la vischnanca dad Ilanz/Glion. [Tenor e-lir].
(Foto: Adrian Michael / CC BY-SA 3.0) |
