|
La noziun collectiva da vagants cumpiglia dapi il temp medieval tardiv differentas gruppas dad umans betg sedentars. Ella vegn era duvrada da betg sedentars sco autodesignaziun e fa part da la terminologia da la lingua uffiziala dapi il 1815, applitgada en l’emprima lescha davart il tractament dals senza patria. Per il pievel vagant existan noziuns sco spengler, parler, matlòsa u cutsch. Il pled jenic cumpara en il Grischun pir en il 20avel tschientaner, entant ch’ils zagrenders èn documentads gia il 1418, en tudestg sco Nubianer, Egypter u Zigeiner.
(Foto: Deutsches Bundesarchiv, Bild 183-J0525-0500-003 / CC BY-SA 3.0) |
