|
Il Grischun fa part da la Confederaziun svizra dapi l’onn 1803. Tranter il 1803 ed il 1848 pudevan ils chantuns trametter in fin dus mess a la Dieta confederala che tractava en emprima lingia la politica da l’exteriur e conflicts a l’intern. Il stadi modern cun las instituziuns politicas d’ozendi è vegnì stgaffi l’onn 1848. Dapi lura furman il Cussegl dals chantuns ed il Cussegl naziunal l’Assamblea federala. En la regenza federala è il Grischun stà represchentà fin qua cun trais cussegliers federals ed ina cussegliera federala: Simeon Bavier (1879–1883), Felix Calonder (1913–1920), Leon Schlumpf (1980–87) ed Eveline Widmer-Schlumpf (2008–2015).
(Foto: admin.ch) |
