|
Dapi l’onn 1988 cumparan las broschuras da votaziun federalas er en versiun rumantscha. La glista en agiunta renda accessibel questas broschuras en furma pdf. Dismessa da l’armada, spazi economic europeic, iniziativa da las Alps, artitgel da linguas, adesiun a l’ONU, NEAT, las relaziuns cun l’UE... las tematicas èn multifaras ed in spievel da la politica federala. Dal reminent: La documentaziun da votaziun pon ins er retschaiver en versiun rumantscha sch’ins abitescha ordaifer il Grischun. Ins sto be inditgar la lingua giavischada tar la chanzlia communala. |
