|
Maurus Carnot è naschì il 1865 a Samignun (sco Johann Rudolf). Suenter il gimnasi a Sviz e studis da teologia e filosofia è el entrà il 1885 en la claustra da Mustér. Magister da grec, latin, tudestg ed istorgia a la scola claustrala, nua ch’el ha emprendì rumantsch. Carnot ha scrit tocs da teater e gieus festivs en tudestg e rumantsch per scolas e truppas d’amaturs, sco era raquints, romans istorics, poesias, tractats ed artitgels da gasetta. En il cumbat da la Surselva per cudeschs da scola catolics ha ses «Sigisbert en Rezia» (1899) remplazzà il «Robinson» considerà sco pajaun. Confundatur (1900) e redactur (1900–23) da la revista catolica «Il Pelegrin». [Tenor e-lir]. |
