|
Il «Psalm svizzer» è vegnì preschentà per l'emprima giada il 1841. Chors virils han acceptà fitg spert quest chant ch'ha embellì savens festas patrioticas. Per acts politics e militars è dentant vegnida duvrada sur lung temp in'autra chanzun ch'era gist uschè populara, numnadamain «Clomas, o patria». Il text vegniva chantà cun la melodia da l'imni englais «God save the Queen». Quest emprest d'ordaifer ha adina puspè procurà per discussiuns. L'onn 1981 ha il Cussegl federal la finala declerà il «Psalm svizzer» sco imni naziunal uffizial. Quel duai uss survegnir in text nov, commensurà a las relaziuns actualas.
(Foto: Roland Zumbühl / CC BY-SA 3.0) |
