|
La vischnanca da San Vittore è situada sin la spunda dretga da la Moesa giudim il Mesauc al cunfin cun la vischnanca da Lumino/TI (per gronda part cun la fracziun da Monticello). Tranter il 1550 ed il 1750 èn naschids a San Vittore numerus architects e stuccaturs (Angelini, Camessina, Viscardi), activs oravant tut en Germania ed en Austria. La vischnanca da San Vittore cumpiglia insaquants edifizis remartgabels da famiglias patrizianas. Il Palazzo Viscardi, construì il 1548, dat alloschi al Museum moesan dapi il 1949. [Tenor e-lir].
(Foto: Claudio Vosti / CC BY 2.0) |
