|
La Macedonia dal Nord è in stadi muntagnard situà entamez la Peninsla dal Balcan. En il nord cunfinescha ella cun il Cosovo, en il nordvest cun la Serbia, en l’ost cun la Bulgaria, en il sid cun la Grezia ed en il vest cun l’Albania. Il pajais cumpiglia be ina part da la regiun istorica dal medem num. Or da quel motiv hai dà in lung conflict cun la Grezia davart il num uffizial dal pajais.
(Foto: Albinfo / CC BY-SA 3.0) |
