|
Il maset grond è il maset il pli numerus tar nus ed è generalmain bainvis. Ses segns caracteristics èn: vistas alvas cun in ur nair, dies verdent, alas blau grischas e varts mellen-zulper. El è adina en moviment. Sco en in gieu va el a chatscha d’insects tranter la roma da plantas e lascha savens udir sia vusch. Ses gnieu fa el il pli gugent en rusnas da plantas u en chasettas da gnieu. Cur ch’ils giuvens han da vegnir pavlads arrivan ils geniturs baud senza paus cun nutriment, e tscha e là sto in spetgar fin che l’auter vegn puspè or da la fora dal gnieu. L’enviern frequentan ils masets gronds fitg savens l’aissa da pavlar.
(Foto: Luc Viatour from Bruxelles, Belgique / CC BY 2.0) |
