|
Degen è situà sin ina terrassa 200 m sur la val dal Glogn. L'anteriura vischnanca cumpigliava, ultra da la plaiv da Degen, ils dus aclauns da Rumein e Vattiz. Las baselgias da S. Victor e da Nossadunna vegnan menziunadas gia en l'«Urbari curretic» (ca. 840). Dapi la fin dal 13avel tschientaner dispona Degen er d'ina chaplutta, deditgada a s. Bistgaun. En il context da la pietusadad barocca èn naschidas ulteriuras chapluttas a Rumein (1669) e Vattiz (1700). Il 1923 ha Degen obtegnì l'access a la via lumneziana. Dapi il 2013 fa Degen part da la vischnanca da vallada Lumnezia. [Tenor e-lir].
(Foto: Adrian Michael / CC BY-SA 3.0) |
