|
Gia dapi l'onn 1980 elavurescha la Lia Rumantscha ina banca da datas cumplessiva en rumantsch grischun. Il svilup ha manà da la simpla glista da pleds sur il vocabulari fin tar il Pledari grond stampà dal 1993. E parallel da la dischetta sur la CD-Rom fin tar il Pledari grond online sco project communabel da la Lia Rumantscha e da la GiuRu. Il Pledari grond online cumpiglia dapli che 200'000 endataziuns. In bonus tut spezial furman las tabellas da conjugaziun tar mintga singul verb. Leitplanke, Klimaanlage, Festplatte... co ch'ins di tut quai ed anc bler dapli en rumantsch: Il Pledari grond dat la resposta. |
