|
La Rofla (rumantscha Puntcrap) è ina chavorgia dal Rain Posteriur en la vischnanca d'Andeer, tranter Balamburtg ed il Crestawald (vischnanca da Sur). Durant il temp roman ed il temp medieval existiva ina via da sauma che manava al nord dal Rain sur l'aclaun da Rovna a Sur. Il 1695 è la via da sauma, che manava da la vart nord dal Rain tras guauds fitg stips, vegnida transferida, grazia a la pulvra naira, da l'autra vart dal flum. La galaria tras il spelm fin a la cascada da la Rofla, che furma in motiv litterar ed artistic fitg apprezià, è vegnida construida da Christian Pitschen Melchior, ustier da l'Hotel Rofla, en ils onns 1907-14. [Tenor e-lir].
(Foto: Paebi / CC BY-SA 3.0) |
