|
Stefan Popprath è stà in dals emprims kiters en Svizra. Dapi il 1999 instruescha el kitesurfing a Silvaplauna. La «Kite-Sailing-School-Silvaplana» occupescha tenor indicaziuns da Popprath quatter persunas e durant la stad anc dudesch ulteriurs magisters. I dettia dis che var 300 kiters vegnian a Silvaplauna – bunamain il dubel dals surfers, di Popprath. Ils sportists procurian la stad per in’impurtanta cumpart da la svieuta turistica. Ils emprims onns haja quai forsa anc dà problems tranter surfers, kiters u navigaturs – ussa betg pli. In kiter saja pli movibel e possia guntgir pli svelt ch’ils auters sportists d’aua. [Tenor ANR].
(Foto: G.rom18 / CC BY-SA 3.0) |
