|
Ils 15 d’avrigl 1912 è sfundrà il pli grond, il pli bel ed il pli maiestus bastiment dal mund ch’era vegnì celebrà sco capodovra da la tecnica e dal progress. La Titanic era in palaz d’hotel da set auzadas cun trais plauns sut l’aua, 762 chombras e corridors, stgalas e promenadas d’ina lunghezza da passa set kilometers. Ultra da simpels passagiers en la terza classa, tranter quels savens paupers schanis ch’eran londervi d’emigrar, sa chattavan a bord numerusas persunas ritgas en la segunda ed emprima classa. Sin ses viadi sur l'Atlantic è la Titanic collidada cun ina muntogna da glatsch ed è sfundrada cun 1316 passagiers ed in’equipa dad 885 umens a bord. [Tenor LQ]. |
