SCUVRAMUND – dossiers tematicsMAGLIACUDESCHS – blog da lectura

Il fotograf da pressa Emil Brunner (1908–1996) ha fatg durant la Segunda Guerra mundiala bleras turas en Surselva. Da return fotografava el mintgamai las mattatschas ed ils mattatschs da las vischnancas da muntogna. Uschia è sa sviluppà en ils onns 1943 e 1944 ina collecziun da circa 1700 purtrets d'uffants. La collecziun «uffants muntagnards» d’Emil Brunner è unica en sia dimensiun, en sia cumpactadad temporala e geografica sco er en sia consequenza estetica. Ils texts en agiunta preschentan la collecziun sco er ediziuns ed exposiziuns che stattan en connex cun quest stgazi cultur-istoric.