|
Selina Chönz (1910–2000) è daventada enconuschenta tras il cudesch d'uffants «Uorsin» (1945, illustrà dad Alois Carigiet) che tematisescha l'usit dal Chalandamarz celebrà la primavaira en l'Engiadina e ch'è vegnì translatà en numerusas linguas (tr.a. en englais e giapunais). Autura da divers ulteriurs cudeschs d'uffants, p.ex. «Flurina» (1952) e «La naivera» (1957) sco er dals raquints «La chastlauna» (1940) ed «Il purtret da l'antenat» (1943) e da las novellas «La scuvierta da l'orma» (1950). Il stil da raquintar da Chönz è caracterisà d'ina ferma tipologisaziun popular-litterara da las figuras. [Tenor e-lir].
(Foto: Paebi / CC BY-SA 3.0) |
