|
Panaduz è in vitg aglomerà, situà en l'auta planira al sidvest da la confluenza dals Rains Anteriur e Posteriur. Chats archeologics dattan perditga da la colonisaziun tempriva. Sin il territori da Panaduz sa chatta la ruina da Wackenau, situada aut sur il Rain Anteriur. L'amplificaziun da la Via Sut en il 19avel tschientaner ha augmentà il traffic da transit ch'è alura puspè sa diminuì suenter l'avertura da la Viafier dal Gottard (1882). Il 1908 ha destruì in grond incendi la vischnanca da Panaduz. Cun la reconstrucziun dal vitg è s'accelerada la germanisaziun en disfavur dal rumantsch. [Tenor e-lir].
(Foto: Andi Item / CC BY-SA 3.0) |
