|
Il giat è in animal da chasa fitg bainvis e gioga ina rolla sociala impurtanta sco commember da famiglia e sco abitant da bleras chasadas. Ma sch'ils giats e lur descendents èn abandunads durant in temp pli lung, perdan els dal tuttafatg ils lioms cun l'uman e daventan selvadis. Quests giats vegnan savens mazzads cun tissientar, sajettar u sturnir – betg darar en moda crudaivla. Talas situaziuns èn problematicas ord vista da la protecziun dals animals. Controllar e survegliar las populaziuns da giats abandunads e daventads selvadis confurm a la natira dals animals è perquai da grond'impurtanza. |
