|
L'onn 1752 ha l'uffizier Andreas von Salis, in descendent dals von Salis da Soglio, terminà a la Reichsgasse a Cuira il Neues Gebäu, in palazi citadin cun in curtin baroc. Cun sia ritga cumparsa a l'intern, ma simpla vers l'exteriur è la «Chasa grischa», sco ella vegn er numanda, in exempel tipic per ils edifizis da la classa superiura grischuna da quel temp. Dapi il 1803 è l'anteriura chasa signurila la sedia da la regenza grischuna. La Tgira da monuments dal Grischun ha edì il 2012 la versiun rumantscha dal guid che preschenta l'istorgia da l'edifizi a moda cumplessiva. |
