|
Giovanni Giacometti (1868-1933) da Stampa è in dals artists ils pli impurtants da la Svizra che han lavurà durant las epocas da l'impressiunissem, dal postimpressiunissem e dal fauvissem e che han recepì e sviluppà las novaziuns essenzialas da la moderna. Da sias ovras extraordinarias resorta ina ferma forza colurada. Schebain ch'il bab dals artists Alberto, Diego e Bruno Giacometti è stà in dals emprims innovaturs da la pictura svizra dal 20avel tschientaner tempriv e schebain ch'el vala sco persunalitad remartgabla da renum internaziunal entaifer il svilup da la pictura moderna, vegn ses art anc savens sutvalità. |
