|
Il cumponist Gion Antoni Derungs è naschì il 1935 a Vella. Suenter il gimnasi a Mustér ha el studegià al Conservatori da Turitg. El è vegnì promovì da ses aug, il cumponist Duri Sialm. Derungs è stà directur da musica a Lichtensteig 1960-1962, magister al Seminari scolastic a Cuira 1962-1999 ed organist a la catedrala da Cuira 1962-2002. Il 1971 ha Derungs fundà il Quartet Grischun che interpretescha oravant tut musica moderna (dirigent fin il 1993). En ils onns 1960 è el s'occupà intensivamain da l'avantgarda. Dapi ils onns 1970 è Derungs sa deditgà en sia vast'ovra musicala pli fitg dal linguatg tonal ed è sa laschà inspirar pli e pli da la musica populara rumantscha. [Tenor e-lir].
(Foto: RTR) |
