|
Sablunusa è la surfatscha da las coclas oranschas, sablunus er il terratsch, sin il qual ellas creschan: en guauds da riva e sin spundas sitgas da sablun, però strusch sin costas vers nord; en pli en cuntradas fluvialas che midan adina la furma. Ils guauds da spina da grava èn spess-spinus e romantics. Cleger è stentus: las coclas creschan amez las spinas lungas e betg oradim. Il pertschient dal vitamin C ch’è fitg aut para da guntgir l’access uman. Ma tuttina, la spina da grava è la regina da la fritga selvadia! Tard la stad, cur ch’ins vesa a glischar oransch cler tranter flum, guaud e tschiel, lura è la quaida per il fritg pli gronda che la tema da las spinas.
(Foto: C. Nöhren / pixelio) |
