|
La part sura da la natra gritta è blau naira cun flatgs mellens che pon cular in en l’auter sin la part davant dal corp a strivlas satiglias traversalas. Tar ils animals giuvens è mo il dissegn nair mellen dal chau identic cun quel dals creschids; il cuntrast cun la colur da fund è però bler pli ferm che tar ils animals creschids. La natra gritta viva en lieus exponids al sulegl cun bostgam e/u crappa, ed ins la po observar en lieus fitg sitgs, ma er a la riva dad auas. Questa spezia viva en il sid ed il sidvest da la Svizra. Ella munta en il Tessin ed en il Grischun fin a 1400 m.
(Foto: FelixReimann / CC BY-SA 3.0) |
