|
Da la fin dal 17avel a la mesadad dal 19avel tschientaner nascha, flurescha e svanescha en l’Emmental ed en il Simmental Bernais ina cheramica purila cun ina ritgezza da furmas ed ina libertad cromatica e decorativa senza paregl en Svizra. Questa producziun rusticala è zunt scharmanta e sia qualitad excellenta. Questa preschentaziun illustrescha a l’exempel bernais co che la vaschella da terracotga ha sviluppà qualitads d’art popular, ma dat er in sguard a l’ulteriur svilup en Svizra. |
