|
Thomas, quindesch onns, è impedì da chaminar. Ses bab na vesa el strusch, sia mamma al cumonda enturn u al puprogna. Ad ella manca magari era la chapientscha per sia situaziun. Il frar pitschen da Thomas è sensibel ed ha difficultads en scola. Er el patescha pervi da la mamma dominanta. In di fa el suicidi. Ussa para la relaziun tranter Thomas e sia mamma dad ir dal tuttafatg en paglia. Il cudesch è adattà per il stgalim mesaun e superiur. A magistras e magisters stattan a disposiziun fegls da lavur accumpagnants che dattan impuls e tips co ch’ins pudess lavurar cun quest cudesch en scola. |
