|
L'onn 765 ha testamentà l'uvestg Tello da Cuira a la claustra da Mustér las entradas da ses bains en la Foppa e da ses possess sparpaglià da Trun fin a Buchs/SG. Quest testament è ina da las funtaunas istoric-culturalas las pli impurtantas da la Rezia e da la Svizra en general per il temp medieval tempriv. En il center stat il bain central dals Zaccons a Sagogn che cumpigliava tranter auter in bain signuril sin il crest dal chastè da Schiedberg (fotografia). I suandan tranter auter bains en il territori da Laax, Glion, Sursaissa, Breil, Schluein e Ruschein. [Tenor e-lir].
(Foto: Adrian Michael / CC BY-SA 3.0) |
