|
Tujetsch è la vischnanca situada il pli en il vest dal Grischun, al pe dal Cuolm d'Ursera (Alpsu). Il num Tujetsch vala per l'entira val dal Cuolm d'Ursera fin a Bugnei al cunfin da la vischnanca da Mustér. La vischnanca cumpiglia il lieu principal Sedrun e las fracziuns da Tschamut, Selva, Rueras/Dieni, Camischolas/Zarcuns, Gonda e Bugnei, da la vart dretga dal Rain Surrein e Cavorgia. En ils onns 1957-67 èn vegnidas construidas las ovras idraulicas en las vals Nalps e Curnera e la centrala a Sedrun. Cun l'avertura da la scola da skis (1929) e la construcziun da runals (1956-62) è la Val Tujetsch daventada ina destinaziun da sport d'enviern. [Tenor e-lir].
(Foto: Lutz Fischer-Lamprecht / CC BY-SA 3.0) |
