|
Cuvlignas (Küblis) è ina vischnanca situada lung la via al spartavias per Sontg Antönia, Cunter e Fadrein/Gianatsch. A partir dal 14avel tschientaner èn immigrads Gualsers da Claustra a Cuvlignas ed han germanisà la vischnanca. La construcziun dal stradun tras il Partenz (1843-63) e l'access a la Viafier retica Landquart-Tavau (1890) han dà novs impuls. Dal 1920 fin il 1922 han las Ovras electricas Grischun SA installà a Cuvlignas la centrala da l'implant che garantescha a la vischnanca in gudogn supplementar. Da quest svilup han era profità l'industria da construcziun, la mastergnanza e l'elavuraziun da lain e da metal. [Tenor e-lir].
(Foto: Adrian Michael / CC BY-SA 3.0) |
