|
La platta fonografica «Forza Flurina» – quasi il pendant rumantsch da «We Are The World» – è cumparida l’onn 1989. I sa tracta d’in project da musica inizià da Flurin Caviezel al qual s’avevan participads chantaduras e chantadurs da tut la Rumantschia cun l’idea d’accentuar ils tratgs cuminaivels da las differentas regiuns rumantschas. La platta fonografica cuntegna las duas chanzuns «La brev d’amur», chantada en ils differents idioms rumantschs ed en rumantsch grischun, ed ina versiun rumantsch grischuna dal psalm svizzer entitulà «imni per noss mund». Il text da las chanzuns è da Flurin Spescha. |
