|
La fundaziun «La Capriola» vul pussibilitar a giuvenils cun in lev impediment da far in emprendissadi en la hotellaria ed en la restauraziun. L’intent è da preparar els per la lavur en l’economia. Ils giuvens fan in emprendissadi scursanì da dus onns u ina furmaziun da basa cun in attest per in emploià da restauraziun, hotellaria, cuschina u recepziun. La basa dal center da scolaziun «La Capriola» sa cumpona da trais concepts, numnadamain in socialpedagogic, in da scolaziun ed in d’integraziun. [Tenor LQ]. |
