|
Il renomà lieu da pelegrinadi da Son Giachen (95 000 olmas), uffizialmain Santiago de Compostela, furma la chapitala da la «comunidad autónoma» Galizia. 1993 ha l’Unesco registrà la Via da Son Giachen sco part dal Patrimoni cultural mundial. Ma la Galizia è dapli che mo ils conturns da lezza citad. En quest pajais da var 2,8 milliuns olmas, situà tranter il Portugal ed il Golf da Biskaia, giascha il punct il pli occidental dal continent europeic, il Cap Finisterre. Ed anc adina banduna blera glieud la Galicia per emigrar en autras parts da l’Europa. [Tenor LQ].
(Charta: TUBS, Wikimedia Commons / CC BY-SA 3.0) |
