|
L’istorgia dal dretg è la scienza dal dretg dal passà e dal svilup dals differents urdens giuridics. L’object èn las funtaunas da dretg, las instituziuns giuridicas, las ductrinas giuridicas (dogmas) e las scienzas dal dretg, en pli l’istorgia da la cultura e da las ideas dal dretg. L’istorgia dal dretg ha ses origin en la scienza dal dretg; ella vegniva pratitgada a partir dal 16avel tschientaner ad universitads da giurists erudits, instruids en il dretg roman ed en il dretg ecclesiastic. Essend l’istorgia dal dretg adina stada colliada inseparablamain cun il sistem dal dretg vertent, era ella oravant tut in rom da la giurisprudenza e mo a l’ur in rom istoric. [Tenor e-lir]. |
