|
L'onn 1856 ha il cafetier e consul Antonio Semadeni (1823-1884) transfurmà a Poschiavo ina chasa da purs en in palaz. Oz sa chatta en la Casa Console ina gronda collecziun d'art che metta en il center l'epoca da la romantica tudestga e la scola da Minca. Represchentads en questa collecziun èn artists renumads sco Carl Spitzweg (1808-1885), Eduard von Grützner (1846-1925), Franz von Defregger (1835-1921), Giovanni Segantini (1858-1899) ed Alexandre Calame (1810-1864). La vita culturala da la Casa Console vegn enritgida da concerts e d'ina scola da malegiar. [Tenor Museums grischuns].
|
