|
Livigno (rumantsch Livign) è ina vischnanca taliana da la provinza da Sunder, situada al cunfin svizzer en l'auta vallada dal medem num al nordvest da Buorm. La vallada ha appartegnì sco part da la Vuclina a las Trais Lias dal 1512 al 1797. La culegna da Trepalle è il pli aut abitadi da l'Italia (2079 m) abità l'entir onn. En il decurs dal 20avel tschientaner ha il lieu fatg in svilup enorm: sco exclava da duana (1919) e surtut sco regiun turistica dapi ils onns 1950 (telefericas, runals). Il tunnel che collia l'abitadi cun il Pass dal Fuorn è vegnì avert en ils onns 1960 en connex cun la construcziun dal lai da fermada a Livigno che ha destruì ina part dal lieu. [Tenor e-lir]. |
